Liber Paralipomenon Secundus*
Caput 3: Versus 9
Sed et clavos.[RAB.]Quinquagenario numero peccatorum remissio, etc., usque ad qui ad perfectiora perveniens de clavis perfectionis, ait:Mihi autem adhaerere Deo, bonum est[Psal. 72.].Coenacula quoque.Sicut Sancta sanctorum, ubi erat arca, internam sanctorum vitam in conspectu Redemptoris significat, unde:Abscondes eos in abscondito faciei tuae, a conturbatione hominum[Psal. 30.]. Ita coenacula in alto eamdem vitam, id est in coelis esse et non in hoc mundo, unde:Quae sursum sunt quaerite[Col. 3.], ubi Christus est in dextera Dei sedens.